my music

الأربعاء، 20 فبراير 2008

اكرهك؟ ام احبك اكثر؟

بعد ان احببتك
بعد ان تعلقت بك
بعد ان اهتممت بك و كانك طفلي الوحيد المدلل
و باعترافك
اني كنت لك كالام و اكثر
بعد ان تورطت فيك
تاتي الان لتحاول ابعادي عنك
خوفا عليا من مستقبل بعيد يغمره الضباب
اعرف انك تشعر بالذنب اتجاهي
و لكن.. الا تدرك انك بهذا التصرف تجرحني!
الا تدرك ان مشاعري اتجاهك اصبحت اكبر بكثير
والفضل لك
ابهذه البساطه تعتقد اني سابتعد و اتخلى عنك
ربما اكون ضعيفه فعلا كما قلت
واضعف بكثير عن من سبقوني
و لكني لست خائنه
و لا انسى اللحظات الجميله التي قضيتها معك حتي و ان كانت قليله....

رغم البعد، و رغم شعوري الدائم بانك تحاول ان تخلصني منك
رغم شعوري بالخنق و الغضب منك في اوقات كثيره
مازال قلبي يخفق كلما رآك
مازالت نبضاته ترتبك كلما سمعت صوتك
مازال يرتعش كلما تردد صوتك في ذاكرتي و انت تقول حبيبتي
ذاكره بعيده، فلم اسمعها منك منذ فتره طويله..

اقدر خوفك علي و لكنه يجرحني،
فلا اعرف هل اكرهك ام احبك اكثر!

هناك 15 تعليقًا:

العراف يقول...

حلو قوى كلماتك نابعه حب كبير بصى يا هاجر اساس الحب هو الثقه وما ينفعش الواحد يحب انسان وهو ما بيثقش فيه وخليكى دايما عارفه طول ما هو خايف عليكى فهو بيحبك يمكن اكتر من نفسه وبيبقى غيران عليكى ارجوكى اوعى تضيعى حب حقيقى وانسان حبك من قلبه من اديكى لان الحب اليومين دول بقى صعب قوى وصعب تلاقى انسان بيحبك من قليه

LOST يقول...

العراف:
بجد بشكرك على كلامك اللي دايما بيشجعني مش بس اني اكتب لكن كمان في قراراتي الشخصيه

BaTresYa يقول...

والله الموقف صعب جداً تصدقي !!...الحب حاجه صعبه اوي بجد وكتير اوي بيتعبوا فيه ومنه ... بس احلى حاجه فيه انه بيفجر مشاعر حوانا وبيدفعنا اننا نكتشف حاجات حلوة فينا زي الكتابه :))

LOST يقول...

باتريسيا:
فعلا.. و الاكتئاب كمان بيفجر مشاعر جوانا :)
اه والله :D
شكرا على مرورك ياباتريسيا و اتمنى انك تزوريني تاني

Esraa Hamed يقول...

جميلة جداااااااا الكلمات يا هاجر
بجد روعة

almasry يقول...

ازيك
انتى باين عليكى بجد بتحبيه وعارفه انا نفسى كل اللى يحب يحب بكل مشاعره مش يركن شويه منهم. وواضح كمان انك بتعاتبيه وانا بحب العتاب جدا
مشاعر جميله اتمنى تتوافر فى كل البنات

اتمنى زيارتى
المصـــــــــــرى

LOST يقول...

اسراء:
بجد كان يهمني رايك، و سعيده جدا انه عجبك..ربنا يخليكِ على التشجيع ده.

المصري:
احيانا العتاب ده بيكون مؤلم و ما تقدرش تواجه بيه اللي بتحبه و المتنفس الوحيد هو الكتابه و انك تعاتبه بطريقه غير مباشره..
شكرا على مرورك و اتمنى انك تكررها :)

WhItE HeArT يقول...

مش فاهم

بجد مش فاهم متستغربيش

انا هقول لك

انا فهمت انك حبتيه واكيد هوه حبك وفهمت انه حاول يبعدك علشن المستقبل ففهمت انه عنده مشاكل مثلا والمستقبل لسه مش واضح زي كتير مننا فخايف عليكي وعايز يبعدك وبعدين انتي بتعاتبيه على تصرفه ده وبتقولي انه بيجرحك وبتقولي انك لسه بتحبيه في كوكتيل من الجمل الرائعه في الاخر

طيب انا هبني كلامي على اساس ان اللي انا فهمته ده صح ويارب يكون صح

اولا احد المدونين كتب تعريف بسيط للحب عجبني جدا رغم غرابته قال ان الحب تحدي قبل اي حاجة تانية

يعني هوه لو بيحبك بجد هيتحدى علشانك اي حاجة وهيحاول بكل الطرق قبل مايسيبك مش يقف حاطت ايديه في جيبه وفي الاخر يسيبك ويقول اصلي خايف عليكي لا الحب مش كده وبعدين واضح انك بتحبيه اكتر

تحياتي لحضرتك ومدونتك جميله جدا وان شاء الله اكون مداوم فيها على طول

LOST يقول...

white heart:
اللي فهمته صح الحمدلله لكن اول مره احس اني بقول الغاز :)بس طلع صح الحمدلله..
والتعريف فعلا صح و بشكرك على كلامك و اتمنى انك تزورالمدونه مره تانيه

mohamed emera يقول...

السلام عليكم
احييكى على ما كتبتى
كلمات جميله فعلا ومعبرة
بتوصف حيرة كبيرة قوى عذرا هتلكم على لسانه
ممكن يكون حبه ليكى قوى جدا وخايف عليكى منه
ممكن يكون خايف عليكى من مستقبله المجهول
ممكن احبك قوى وحب ليكى الخير بعيد عنه فاكر انك بعيد عنه هتكونى افضل ودا فعلا حد احب
انتى عليكى الاختيار هل تقدرى تكملى معاه التحديات دى كلها
ولا تقدرى نسيانه وتكونى سعيدة مع شخص مناسب اكتر
لو تقدرى تكملى معاه يبقى هتقدرى تحافظى عليه وتخليه مش يسيبك
تقبلى مرورى
اشوفك بين حروفك

LOST يقول...

محمد:
المشكله اني بدات احساسي بحبه.. مش عارفه ده من الضغط النفسي و لا دي حقيقه..
بشكرك على تشجيعك و مرورك و اتمنى انك تسعدني برايك مره تانيه..

Esraa Hamed يقول...

ايه يا هاجر منزلتيش حاجة جديدة ليه
كده مش هينفع

مستنية اي حاجة كده من روائعك

زى الهوا يقول...

الغيرة القاتلة , باكره الغيرة دى اوى , وف نفس الوقت المشكلة انها دليل على الحب الشددددددديد

داليا محمد يقول...

نفس الحيره ونفس العذاب بس اعتقد الحب اكثر هيكون حل افضل

LOST يقول...

والله يا دودو انت بنت كويسه ههههه..
انت شايفه كده!! D: