الايام اللي فاتت كلها و انا في صراع مع المرض قصدي الكمبيوتر يعني بيعاني من فيرس خطير سيطر عليه تماما و اضعف كل قواه حتى الفرمته مش راضي يتفرمتها!!! المهم ان الفيرس شكله معدي للانسان لان انا كمان تعبت زيه هو بشغله الاقي الدسك توب فاضي و انا كمان حياتي بقت مفتوحه و فاضيه.. حتى المذاكره مش عارفه اذاكر..
الامتحانات على الابواب سمعاهم بيخبطوا ربنا يجعل كلامنا خفيف عليهم يا رب...
انا بصراحه كنت قايمه انام من الزهق و الملل بسبب استعمالي المؤقت للجهاز العتيق اللي قدامي ده.. الرجوع ليه بعد اللاب توب الحديث احساس غريب فعلا.. المهم لقيت نفسي هقوم انام و انا محبطه و مكتئبه قلت اجي افضفض هنا و بعدين انام.. والله لو حد قرا الف خير و بركه و لو لا اديني هبهبت و خلاص..
ادعو لجهازي بالشفا و ليا كمان عشان ما ينفعش كده.. و ادعوا لي اذاكر و انجح و ادعو كل الامور تتصلح..
اشوفكم على خير..
my music
الخميس، 22 مايو 2008
الاشتراك في:
تعليقات الرسالة (Atom)
هناك 6 تعليقات:
مدونة حالمة جدا
وكلمات رقيقة ومشاعر مرهفة
تقبلى تحياتى
أة نسيت ...
روحى للصفحة دى وحملى البرنامج دة وانسى الفيروسات للأبد
http://free.grisoft.com/ww.download?prd=afe
تحياتى
حبيبتى
ربنا يشفى جهازك وانا عارف الفيروس ابن اللذين ده اللى بيخلى الجهاز قاطع صوت وصوره
زورينا
تحيـــــــــاتى
المصـــــــــرى
جميلتي هاجر
ربنا معاكي ياااارب في امتحاناتك و يارب يوفقك و يصلح جهازك و يسعد كل ايامك
دمتي بخير يا قمر
و طمنينا عليكي
يارب تنجحى ويارب يشفى جهازك وانت كمان وتجرى وتزقططى على الاب توب بل من المريض التانى وربنا يسطرها معانا وفى الامتحانات
هههههههههههههه
انتي عارفه انا براجع البوستات بتاعتي وبسرح في كل ذكرى فيها لمحت اسمك واستغربت قوي لأإنه تقريبا مخدتش بالي من تعليقك قبل كده
المهم بأه
اعتقد ان الكومبويتر احسن من اللابتوب بالنسبالي لإنه بصراحه اللابتوب فيه الماوس الرخم ده اللي بيشل انا مبحبهوش
بدعي للكومبيوتر بتاعك يقوم بالسلامه
مع خالص تحياتي
إرسال تعليق